Urkunde 1372 September 20

Aus HammWiki
Zur Navigation springen Zur Suche springen
Wappen der Grafen von der Mark

Der Graf Engelbert von der Mark gestattet am 20. September 1372 der Stadt Dortmund, Juden unter einer bestimmten Abgabe an ihn aufzunehmen und gestattet den Juden den Wucher in seinem Lande.

Wortlaut

Die Urkunde ist in mittelniederdeutscher Sprache verfasst und hat folgenden Wortlaut: [1]

Wii Engelbrecht greve van der Marke doin kund allen luden und enkennen openbarlike vermydds diessen breyve, dat wir mit vulbart und mit guden willen unser erven hebbet mit dem raide und mit den gemeynen borgeren van Dorpmunde overdregen in wyse, as hirna gescriven steit, dat dey rad van Dorpmunde vorg. und alle ere nakomelynge mogen , wanner sey wellen, nemen also vile iuden, alse sey weit und als en ghuyd dunket bynnen der stad to Dorpmünde vorg. to wonene to borgere rechte, behalden uns unses rechten an den iuden vorg., also dat alle dey iuden dey to Dorpmunde komen to wonene, mogen ghelt uthdoin to wokere in unse land und dat ghelt weder uthmanen und in vorderen mit unsen geriichten, wanner en des to doine is und mogen veylich und vry dor unse land und in unse land komen und varen, id en were dat er willeck mit rechte vurbreke und eyn iuwelchich eylich par iuden, dey ghelt uthdoin to wokere, solen uns und unsen erven und nakomelingen iarlikes oppe sunte Mertins daich in dem winttere geven veyr marck Dorpmundesch und eyn iuwelich iude man ef wiiff bi em selver sunder eysschap levende, dey ghelt uth dede to wokere, sal geven twe marck des iars oppe sunte Mertins dai vorg. Vart so hebbe wii vor uns vor unse erven und nakomelinge mit dem raide und mit den gemeynen borgeren van Dorpmunde vorg. overdregen, dat alle dey iuden, dey to Dorpmunde komen to wonene, solen mit erme ghuyde bynnen der stad und geriichte van Dorpmunde vor uns vor unse erven und nakomelynge syker und veylich wonen und wesen sunder yrleye hynder oppe diesse vorg. iarlikes pacht, als van eyme iuweliken par iuden veyr marck und van eyme eynlucken iuden twe marck, as vorscriven is. Vartmer nynege iuden solen to Dorpmunde wonen, sey en hebben willen und vulbart des raides van Dorpmunde vorg. Alle diesse vorscr. stücke und puntte love wii vor uns vor unse erven und nakomelinge ewelike stede und vast to haldene allerhande argeliste lutterlike in alle diessen selven vorscr. stucken und puntten und in eyme ytlichen bisunder uth gescheiden; und hebben dyes to orkunde unse grote ingesighel vor uns vor unse erven und vor unse nakomelinge an diessen breyff doin hangen. Actum et datum anno domini 1372 in vigilia beati Mathei apostoli et ewangeliste.

Siehe auch

Anmerkungen

  1. zitiert nach Karl Rübel: Dortmunder Urkundenbuch. Band I. Zweite Hälfte. Dortmund 1885, S. 653-654